குறுக்கெழுத்து – 6 புதிருக்கான விடைகளும் விளக்கங்களும்:

குறுக்காக:
4. காற்றாடி நுனிகளை கரம் நடுவில் வைத்து முட்கள் சுற்றுவது (5)
விடை: கடிகாரம்
விளக்கம்: ‘காற்றாடி நுனிகள்’ = ‘கா’, ‘டி’.'கரம்’ நடுவில் வைத்தால் ‘கடிகாரம்’.

5. பாதிக் குடத்தில் புகலிடம் (3)
விடை: திக்கு
விளக்கம்: ‘பாதிக் குடத்தில்’ ‘திக்கு’ மறைந்து வருகிறது. ‘புகலிடம்’ என்ற பொருளில் வருகிறது.

7. முதல்வர் வருவாய் அறிய விருப்பம் (2)
விடை: அவா
விளக்கம்: ‘முதல்வர்’ = ‘அ’ (முதல் எழுத்து). ‘வருவாய்’ = ‘வா’.

9. முறையாகக் கல்லாத அறிவு பெற அறிவியல் மெய்யின்றி முதலில் வினவு (3, 3)
விடை: கேள்வி ஞானம்
விளக்கம்: ‘அறிவியல்’ = ‘விஞ்ஞானம்’, ‘மெய்யின்றி’ => ‘விஞானம்’, ‘வினவு’ = ‘கேள்’.

10. சிவந்தது நித்தம் தம்மை விட்டுக் கலங்கி இடை மாறிச் சென்றது (6)
விடை: செந்நிறத்து
விளக்கம்: ‘நித்தம்’-'தம்’(தம்மை விட்டு)=’நித்’. ‘சென்றது’=>’செந்றது’ (இடை(யினம்) மாறி). ‘நித்’ + ‘செந்றது’ -> கலங்கி -> செந்நிறத்து. ‘சிவந்த’ என்ற பொருளில் வருகிறது.

11. சிறு வயதில் செய்ய வேண்டியது அரிசியிலும் வருமோ? (2)
விடை: கல்
விளக்கம்: ‘இளமையில் கல்’

12. காத்திரு, பின்னர் மசி, உலகத்தை ஆளத் தேவையானது (3)
விடை: பொறுமை
விளக்கம்: ‘காத்திரு’ = ‘பொறு’, ‘மசி’ = ‘மை’. ‘பொறுத்தார் பூமி ஆழ்வார்’.

13. படைப்பவன் முதல் தலையெழுத்தைக் குழப்பியது அருமை (5)
விடை: பிரமாதம்
விளக்கம்: ‘படைப்பவன்’ = ‘பிரம்மா’, ‘முதல் தலையெழுத்து’ = ‘த’. ‘பிரம்மா’ + ‘த’-> குழப்பி -> ‘பிரமாதம்’. ‘அருமை’ என்ற பொருளில் வருகிறது.

நெடுக்காக:
1. அரசன் முடியோர நுனி (2)
விடை: ‘கோடி’
விளக்கம்: ‘அரசன்’ = ‘கோ’. ‘முடி ஒரம்’ = ‘டி’. ‘நுனி’ என்ற பொருளில் வருகிறது.

2. முதல்வருடன் தலைகள் வீழும்படி யாரங்கே குற்றம் செய்தது? முதலில் மேடையில் நிறுத்துவதுதான் சரி! (7)
விடை: அரங்கேற்றம்
விளக்கம்: ‘முதல்வர்’ = ‘அ’ + ‘யாரங்கே குற்றம்’ – ‘யா’ – ‘கு’ (தலைகள் வீழும்படி) = ‘அரங்கேற்றம்’. ‘முதலில் மேடையில் நிறுத்துவது’ என்ற பொருளில் வருகிறது.

3. வீண் செலவில்லாமல் மாட்டிக்கொள்ள நடுவில் பாரமா? (6)
விடை: சிக்கனமாக
விளக்கம்: ‘மாட்டிக்கொள்ள’ = ‘சிக்க’. ‘பாரமா’ = ‘கனமா’.

6. ரசமாக விலகிய விவாகரத்து சமாசாரம் குழப்பத்தில் பூட்டின் நுழைவாயில் (7)
விடை: சாவித்துவாரம்
விளக்கம்: ‘விவாகரத்து’ + ‘சமாசாரம்’ – ‘ரசமாக’ -> குழப்பத்தில் -> ‘சாவித்துவாரம்’. ‘பூட்டின் நுழைவாயில் என்ற பொருளில் வருகிறது.

8. வருடம் ஐம்பத்தியிரண்டு முறை (6)
விடை: வாரந்தோறும்

14. நாணயத்தின் ஒரு புறம் சிறப்பு (2)
விடை: தலை
விளக்கம்: ரூபா நாணயத்தில் இரு பக்கங்கள் -> பூ/தலை. ‘தலை’ என்றால் ‘சிறப்பு’ என்று ஒரு பொருள் உண்டு.

 

குறுக்கெழுத்து – 5 புதிருக்கான விடைகளும் விளக்கங்களும்:
குறுக்காக:
1. கசடற முடிக்காமல் பாகிரதி பாதி கலைய சுசீலாவுக்கு ஜானகி (2, 3)
விடை: சக பாடகி
விளக்கம்: ‘கசட’ + ‘பாகி’ (பாகிரதியில் பாதி) கலைய
4. தெய்வப் புலவருடைய முதலின் முடிவு உருண்டையானது (3)
விடை: உலகு
விளக்கம்: தெய்வப் புலவர் = திருவள்ளுவர். முதல் குறள் ‘உலகு’ என்று முடியும்.
6. முழுமையான குரலில் யார் தலையை வார நடுவில் வைக்க (3)
விடை: வாயார
விளக்கம்: ‘யார் தலை’ = ‘யா’. ‘வார’ நடுவில் வைத்தால் ‘முழுமையான குரலில்’ என்ற பொருளில் வரும்.
7. பரமபதம் தறுதலை விட்டுப் பொட்டுடன் சுற்றி விளையாடுவது (5)
விடை: பம்பரம்
விளக்கம்: ‘தறுதலை’ = ‘த’. ‘பரமபதம்’ – ‘த’ = ‘பரமபம்’. ‘ம’-வுக்கு ஒரு பொட்டு வைத்து சுற்றினால் ‘பம்பரம்’.
8. மாலை பின்னல் தலையில் பிள்ளையார் சுழியிடு (4)
விடை: ஆரம்பி
விளக்கம்: ‘மாலை’ = ‘ஆரம்’. ‘பின்னல் தலை’ = ‘பி’.
9. கோபுர வீட்டு முதல்வர்களை விலக்கித் திருப்பு (4)
விடை: புரட்டு
விளக்கம்: ‘கோபுர வீட்டு’ – ‘கோ’ – ‘வீ’ (முதல்வர்கள் – முதல் எழுத்துக்கள்) = ‘புரட்டு’. ‘திருப்பு’ என்ற பொருளில் வரும்.
12. தேசம் பாதி கடந்து குழம்பியும் நம்பிக்கையில்லை (5)
விடை: சந்தேகம்
விளக்கம்: ‘தேசம்’ + ‘கந்’ (பாதி கடந்து) குழப்பினால் ‘சந்தேகம்’.
14. இரயிலோடும் ஓசையில் பாதி மாட்டிக்கொள் (3)
விடை: சிக்கு
விளக்கம்: ‘இரயிலோடும் ஓசை’ = ‘சிக்கு புக்கு’. அதில் பாதி ‘சிக்கு’. ‘மாட்டிக்கொள்’ என்ற பொருளில் வரும்.
16. ஆறு முடியும் இடத்தை அறியக் கொண்டை ஒரு வகை (3)
விடை: கடலை
விளக்கம்: ஆறு முடிவது கடலில். கொண்டைக்கடலை ஒரு வகைக் கடலை.
17. சமணத்தில் ஒரு பிரிவு நாத்திகம் பரப்பியதா? (5)
விடை: திகம்பர
விளக்கம்: ‘நாத்திகம் பரப்பியதா’-வில் ‘திகம்பர’ ஒளிந்திருக்கிறது. இது சமணத்தில் ஒரு பிரிவு.

நெடுக்காக:

1. சென்னை ஆட்டோ பயணம் குலுக்கி வீழ்ச்சியா? (3)
விடை: சரிவா
விளக்கம்: ‘சென்னை ஆட்டோ பயணம்’ = ‘சவாரி’. அது குலுங்கினால் ‘சரிவா’. ‘வீழ்ச்சியா’ என்ற பொருளில் வரும்.
2. பாயசம் இடையில்லாமல் கொடுக்க பளபள திரவம் (5)
விடை: ‘பாதரசம்’
விளக்கம்: ‘பாயசம்’ – ‘ய’ (இடையெழுத்து இல்லாமல்) _ ‘தர’ (கொடுக்க).
3. கௌரவ ஆசிரியர் நீர் பருகி திரும்ப (4)
விடை: கிருபர்
விளக்கம்: ‘நீர் பருகி’-யில் ‘கிருபர்’ மறைந்திருக்கிறது. கௌரவர்களின் ஆசிரியர் கிருபர்.
4. உன் தலை பழுப்பது பழுதில்லாமல் பெருக்க (3)
விடை: உப்ப
விளக்கம்: ‘உ’ (‘உன்’ தலை) + ‘பழுப்பது’ – ‘பழுது’ = ‘உப்ப’. ‘பெருக்க’ என்ற பொருளில் வரும்.
5. முடிவுக்கு வராமல் இரு, பழ நுனியுடன் வணங்கு (5)
விடை: குழம்பிடு
விளக்கம்: ‘ழ’ (‘பழ’ நுனி) + ‘கும்பிடு’ (வணங்கு).
8. பசு கவிதையில்லாமல் பாசமாகவே கலந்தது வெறியுடன் (5)
விடை: ஆவேசமாக
விளக்கம்: ‘ஆ’ (பசு) + ‘பாசமாகவே’ – ‘பா’ (கவிதையில்லாமல்).
10. கயவன் பாதி தலையுடன் கலந்து வந்தது யாரும் அறியாதது (5)
விடை: ‘ரகசியம்’
விளக்கம்: ‘கய’ (கயவன் பாதி) + ‘சிரம்’ (தலை) கலந்தால் ‘ரகசியம்’. ‘யாரும் அறியாதது’ என்ற பொருளில் வரும்.
11. கயிலைவாசி மயங்கும் ராகம் இடை கட்டு நீங்கி காதில் போகட்டும் (4)
விடை: காம்போதி
விளக்கம்: ‘காதில் போகட்டும்’ – ‘கட்டு’ – ‘ல்’ (இடையெழுத்து). இராவணன் காம்போதி ராகத்தால் சிவனை மயக்கியதாக புராணம்.
13. இதன் வாழ்க்கைப் பயணம் வடிகட்டி வரை (3)
விடை: தேயிலை
15. வெப்பம் தணிய வார இறுதி வருமுன் நீராடு (3)
விடை: குளிர
விளக்கம்: ‘குளி’ (நீராடு) + ‘ர’ (வார இறுதி). ‘வெப்பம் தணிய’ என்ற பொருளில் வரும்.

 

குறுக்கெழுத்து – 4 புதிருக்கான விடைகளும் விளக்கங்களும்:
குறுக்காக:
5.போன பிறவித் தொடர்பு அறிய இருட்டறை இரண்டு விட்டு குவி (5)
விடை: விட்டகுறை
விளக்கம்: இருட்டறை – இரு (இரண்டு விட்டு) + குவி
6.அருகே மூன்றாவதின் திறப்பைத் தாங்க முடியாது (2)
விடை: கண்
விளக்கம்: மூன்றாவது – சிவனின் நெற்றிக்கண்; ‘அருகே’ என்ற மற்றொரு பொருளிலும் வருகிறது
7.பிராமண வீட்டில் உனக்கு என்ன பார்வை (3)
விடை: நோக்கு
விளக்கம்: பிராமண வழக்கில் ‘நோக்கு’ என்பது ‘உனக்கு’ என்ற பொருளில் வரும். ‘பார்வை’ என்ற பொருளிலும் வரும்.
8.பத்மா காலின்றி தடையோடு சுற்றுவது பாயா ஊரா? இரண்டும்தான் (5)
விடை: பத்தமடை
விளக்கம்: ‘பத்மா’ காலின்றி = ‘பத்ம’ +’தடை’ = பத்தமடை. பாய்களுக்குப் பெயர் போன ஊர்.
11.எதை சுற்ற தந்தம் தலை விட்டுப் பெற்றவர் (2, 3)
விடை: எம் தந்தை
விளக்கம்: ‘எதை’ + ‘தந்தம்’ – ‘த’ (தந்தம் என்பதில் தலை) = ‘எம் தந்தை’. ‘பெற்றவர்’ என்ற பொருளில் வருகிறது.
12.புல்லா சைவத்திற்கு எதிராக மாறியது? (3)
விடை: புலால்
14.இதன் வருகையில் ஆபத்து தலையை விட்டுப் பறந்துவிடும் (2)
விடை: பசி
விளக்கம்: பசி வந்தால் பத்தும் (ஆபத்து தலையை விட்டால் பத்து) பறந்து போகும்.
15.வையாமல் கானா நடுவில் வந்தாலும் இனிப்பு அலுக்காது (5)
விடை: திகட்டாமல்
விளக்கம்: வையாமல் = திட்டாமல். நடுவே ‘க’ வந்தால் ‘திகட்டாமல்’.
நெடுக்காக:
1.ஈரம் தலைவனின்றி தவிக்க ஈரம் (6)
விடை: ஈவிரக்கம்
விளக்கம்: ‘ஈரம்’ + ‘விக்க’ (தவிக்க தலைவனின்றி) = ‘ஈவிரக்கம்’. ‘ஈரம்’ என்ற பொருளிலும் வருகிறது.
2.முன்னாள் முதல்வரின் மூச்சிருந்த இடம்? (3)
விடை: கடமை
விளக்கம்: ‘மூன்றெழுத்தில் என் மூச்சிருக்கும்…கடமை அது கடமை..’ என்பது ஒரு எம்.ஜி.ஆர் படப் பாடல்.
3.வைகறையில் யோசித்தும் யோகமின்றிக் கலைத்துக் காவலில் போட்டு (2, 3)
விடை: சிறை வைத்து
விளக்கம்: ‘வைகறை’ +’யோசித்தும்’ – ‘யோகம்’ -> கலந்தால் ‘சிறை வைத்து’. ‘காவலில் போட்டு’ என்ற பொருளில் வருகிறது.
4.சுந்தரர் சுமந்தது மண்டைக்குள் முதலில் கூவ (2,2)
விடை: மண் கூடை
விளக்கம்: ‘மண்டை’க்குள் ‘கூவ’வின் முதல் எழுத்து நுழைய ‘மண் கூடை’ வருகிறது. மதுரை சுந்தரேஸ்வரர் பிட்டுக்கு மண் சுமந்ததாக ஐதீகம்.
9.கந்தர் வாகனம் நெல் வகை சேர்ந்து ஊர் (6)
விடை: மயிலாடுதுறை
விளக்கம்: ‘மயில்’ (கந்தர் வாகனம்) + ‘ஆடுதுறை’ (நெல் ஆராய்ச்சி நிறுவனம் இந்த ஊரில் இருக்கிறது) = மயிலாடுதுறை
10.தாயாதி கொஞ்சம் அந்நிய அபிராமியைப் பாடியதா? (5)
விடை: அந்தாதியா
விளக்கம்: ‘தாயாதி’ + ‘அந்’ (கொஞ்சம் அந்நிய) = ‘அந்தாதியா’. ‘அபிராமி அந்தாதி’ என்பது ஒரு புகழ்பெற்ற பாடல்.
11.எது நடுவில் கனிவாய் திரும்ப எண் (4)
விடை: எழுபது
விளக்கம்: ‘எது’ நடுவில் ‘பழு’ (கனிவாய்) திரும்பி வந்து ‘எழுபது’ என்ற எண் ஆனது.
13.ஆபரணம் பொட்டுக்கு மேல் குறிப்பிட்டு (3)
விடை: சுட்டி
விளக்கம்: பெண்கள் நெற்றியில் அணியும் ஆபரணம் = ‘சுட்டி’. ‘குறிப்பிட்டு’ என்ற பொருளிலும் வருகிறது.

 

குறுக்கெழுத்து – 3 புதிருக்கான விடைகளும் விளக்கங்களும்.
குறுக்காக:
1.அகர முதலாக மந்திரவாதி செய்வதா? வேண்டியதா? (5)
விடை: அவசியமா
விளக்கம்: ‘அ’ (அகர முதலாக) + ‘வசியமா’ (மந்திரவாதி செய்வதா)
4.அரை பேனாவின் உயிர் (2)
விடை: மசி
விளக்கம்: மசி = அரை (அரைத்தல்)
6.போன மாத நடுவில் திரும்பி பாதி விம்மல் சூழ ஒரு பறவை? (4)
விடை: விமானம்
விளக்கம்: ‘போன மாத’ – நடுவில் திரும்பி இருப்பது ‘மான’. ‘விம்’ = பாதி விம்மல்.
7.இக்கரை ஓரத்தை விட்டு 9-இல் ஒன்று இடையில் திறந்து மூட (4)
விடை: இமைக்க
விளக்கம்: ‘இக்கரை’ ஓரத்தை விட்டால் ‘இக்க’. 9 குறுக்காக விடையில் முதல் வார்த்தை ‘மை’. ‘இக்க’-வின் இடையில் ‘மை’ சேர்ந்தால் ‘இமைக்க’.
9.உரை தன்மையாக உன்னை விட்டுக் கலங்கினாலும் கண்ணழகு கெடாமல் (1, 4)
விடை: மை கரையாமல்
விளக்கம்: ‘உரை தன்மையாக’ – ‘உன்’ (உன்னை விட்டு)
12.நூறு வென்றதால் தலையிழந்த 6-ஐக் காக்க 3 வேண்டியவள் (4)
விடை: பாஞ்சாலி
விளக்கம்: ‘மானம்’ = தலையிழந்த ‘விமானம்’ (6 குறுக்காக). கௌரவர்கள் (நூறு பேர்) சூதாட்டத்தில் வென்றதால் ‘மானம்’ காக்க ‘மாலை’ (3 நெடுக்காக) (திருமாலை) வேண்டியவள்.
14.குரங்கும் களிறும் கலந்த ஆட்டம் முடிந்தது இவ்வாறு (4)
விடை: வினையாக
விளக்கம்: ‘கவி’ = குரங்கு. ‘யானை’ = களிறு. விளையாட்டு முடிவது வினையாக.
17.வேலோடு சேர்ந்து ஈறு கெடாமல் செய்யுமோ? (2)
விடை: ஆல்
விளக்கம்: ஆலும் வேலும் பல்லுக்குறுதி
18.தீப நுனி தலையிழந்து முற்ற நடுவில் சுற்றும் ஆசையில்லாமல் (5)
விடை: பற்றற்று
விளக்கம்: ‘ப’ (தீப நுனி) + ‘ற்ற’ (தலையிழந்து பற்ற) + ‘ற்று’ (நடுவில் சுற்றும்). ஆசையில்லாமல் என்ற பொருளில் வருகிறது.
நெடுக்காக:
1.குருவிடம் உயிருடன் குடம் எடுத்து நீர் கொட்டுவது (3)
விடை: அருவி
விளக்கம்: ‘குருவிடம்’ – ‘குடம்’ (குடம் எடுத்து) = ‘ருவி’ + ‘அ’ (உயிர் எழுத்து)
2.தந்தை மறுமணம் செய்ததால் வந்த நோய்? (5)
விடை: சின்னம்மை
விளக்கம்: சின்னம்மை = சிற்றன்னை
3.ஒரு வேளை அணிவது (2)
விடை: மாலை
4.உம்மை விட்டு உயிர் நீங்கி வேறுயிர் சேர்வது சரியா நேரெதிரா? (3)
விடை: மறுமை
விளக்கம்: உயிர் விட்டு வேறுயிர் சேர்வது = மறுமை. ‘உம்மை’ – ‘உ’ + ‘இ’ = ‘இம்மை’ = மறுமையின் நேரெதிர்.
5.சோக ராகம் காலின்றி தாவ கடை நடுவில் போக்கிடம் (4)
விடை: முகவரி
விளக்கம்: முகாரி = சோக ராகம், காலின்றி = ‘முகரி’. ‘தாவ கடை’ (கடைசியில்) = ‘வ’ போக்கிடம் என்ற பொருளில் வருகிறது.
7.இணங்காத சங்கீதமா? (3)
விடை: இசையா
8.சூழ்ச்சி நடுவில் தேர் கொடுத்தவன் திரும்பி வர அரையில் கால் (4)
விடை: சரிபாதி
விளக்கம்: சூழ்ச்சி = ‘சதி’. தேர் கொடுத்தவன் = ‘பாரி’. ‘சதி’ நடுவில் ‘பாரி’ திரும்பி ‘ரிபா’வந்தால் ‘சரிபாதி’. அரையில் கால் சரிபாதி தானே.
10.கலிப்பாவில் மெய்மறந்த மயிலை வாசி (3)
விடை: கபாலி
விளக்கம்: ‘கலிப்பா’ – ‘ப்’ (மெய் மறந்து) = ‘கபாலி’
11.மன்றம் தனை மெய் நீங்கக் கலங்கி நினைவிழ (3, 2)
விடை: தன்னை மற
விளக்கம்: ‘மன்றம் தனை’ – ‘ம்’ (மெய் நீங்க) = ‘மன்றதனை’ கலங்கினால் ‘தன்னை மற’. ‘நினைவிழ’ என்ற பொருளில் வருகிறது.
13.நெடுக்காக 1 தருவதை இடையில் இடை மாற்றத் தெரியும் சாடை (3)
விடை: சாயல்
விளக்கம்: நெடுக்காக ௧ = ‘அருவி’. அது தருவது ‘சாரல்’. ‘சாரல்’ – ‘ர’ + ‘ய’ (இடையில் வரும் இடையினத்தை மற்றொரு இடையினத்தால் மாற்ற) = ‘சாயல்’. ‘சாடை’ என்ற போருளிக் வருகிறது.
15.முதிர் முதிராத மரம் (3)
விடை: கன்று
16.மங்கள மிருகம் திரும்ப (2)
விடை: சுப
விளக்கம்: ‘பசு’ திரும்பினால் ‘சுப’. ‘மங்கள’ என்ற பொருளில் வருகிறது.

 

குறுக்கெழுத்து – 2 புதிருக்கான விடைகளும் விளக்கங்களும்:
குறுக்காக:
4.பாதி மருந்துடன் உண்டாகி சிவந்த காரணம் (5)
விடை: மருதோன்றி
விளக்கம்: ‘மரு’ = பாதி மருந்து; ‘தோன்றி’ = ‘உண்டாகி’; மருதோன்றி (மருதாணி) = சிவந்த காரணம்
5.சக்கரக் கிழங்கு (3)
விடை: உருளை
விளக்கம்: உருளை = சக்கரம் / உருளைக்கிழங்கு
7.அமெரிக்கத் தலைவர் தலை தப்ப நரகாசுரன் தலை சாய உதவினாள் (2)
விடை: பாமா
விளக்கம்: அமெரிக்கத் தலைவர் = ‘ஒபாமா’; தலை தப்பினால் ‘ஒபாமா’ – ‘ஒ’ = ‘பாமா’; கிருஷ்ணருடன் சேர்ந்து பாமாவும் நரகாசுரனுடன் போரிட்டதாகக் கதை.
9.கண்ணன் வாத்தியம் புழல் இழந்து பழி வாங்கும் விளையாட்டு (6)
விடை: பல்லாங்குழி
விளக்கம்: ‘கண்ணன் வாத்தியம்’ = புல்லாங்குழல்; ‘புல்லாங்குழல் – புழல் + பழி’= ‘பல்லாங்குழி’ (விளையாட்டு)
10.கடை மாறாது பழைய கடையில் ‘பழைய’ இருப்பது (2, 4)
விடை: ஈறு கெடாமல்
விளக்கம் – கடை (கடைசி) = ஈறு; மாறாது = கெடாமல்; ‘பழைய கடை’ = ‘பழைய’ ஈறு கெடாமல் இருக்கும் எச்சம்.
11.வாலில்லாச் சிறுவன் போவது விரைவாக அல்ல (2)
விடை: பைய
விளக்கம்: சிறுவன் = ‘பையன்’; பையன் – ‘ன்’ = ‘பைய’ (மெதுவாக)
12.மஞ்சள் பூ அரசனுடன் சேர்த்து ஔவை தந்தது (3)
விடை: கொன்றை
விளக்கம்: அரசன் = ‘வேந்தன்’; ‘கொன்றை வேந்தன்’ – அவ்வை எழுதியது; கொன்றை ஒரு மஞ்சள் நிறப் பூ.
13.காலொடிந்த தாரை முன் பத்தில் ஒன்று இவர்களை நினையான் ஏகப்பத்தினியான் (2,3)
விடை: இரு மாதரை
விளக்கம்: பத்தில் ஒன்று = 1/10 = ‘இருமா’; காலொடிந்த ‘தாரை’ = ‘தரை’; ‘இப்பிறவிக்கி இரு மாதரைச் சிந்தையாலும் தொடேன்’ – கம்ப ராமாயணம்.

நெடுக்காக:
1.வாலிழந்த கால வாகனம் உரம் (2)
விடை: எரு
விளக்கம்: ‘கால (எம) வாகனம்’ = ‘எருமை’. ‘எருமை’ – ‘மை’ = ‘எரு’ (உரம்).
2.கூடினால் இரண்டில் பாதி சுட்டால் பசு மாறாட்டம் (3, 4)
விடை: ஒன்று பட்டால்
விளக்கம்: ‘இரண்டில் பாதி’ = ‘ஒன்று’; ‘பசு மாறாட்டம்’ = ‘சு’-வுக்கு பதில் ‘ப’; ‘சுட்டால்’ => ‘பட்டால்’. ‘கூடினால்’ என்பதன் பொருள்.
3.முள் குத்தும் உணர்வுடன் கூளத்தின் துணையுடன் இடுப்பில் இதன் இருப்பிடம் (6)
விடை: சுருக்குப்பை
விளக்கம்: ‘முள் குத்தும் உணர்வு’ = ‘சுருக்’; ‘கூளத்தின் துணை’ = ‘குப்பை’;
6.வேழத்தலை உயிர்விட்டு அமருமா, காலால் கலந்து குமரனைக் கூப்பிடு (2,5)
விடை: வேலா மால்மருகா
விளக்கம்: ‘வேழத்தலை’ = ‘வே’; ‘அமருமா’ – ‘அ’ (உயிர் விட்டு) = ‘மருமா’; ‘வே’ + ‘மருமா’ + ‘காலால்’ => கலந்தால் விடை வரும்.
8.சிலம்பில் இருக்கும் சொக்கத் தங்கமே (3,3)
விடை: மாசறு பொன்னே
விளக்கம்: ‘சொக்கத் தங்கமே’ = ‘மாசறு பொன்னே’; சிலப்பதிகாரத்தில் கோவலன் சொல்வதாக வரும் வரிகள் ‘மாசறு பொன்னே, வலம்புரி முத்தே..’. பின்னர் ‘பூம்புகார்’ திரைப்படத்திலும் இந்த வரிகளை வைத்து ஒரு பாடல் வந்தது.
14.மறைத்த விஷயம் வெளியே தெரிந்துவிடுமோ என்று கவலைப்படு (2)
விடை: தவி
விளக்கம்: ‘தவி’ = ‘கவலைப்படு’; ‘மறைத்த விஷயம்’ – இதில் ‘தவி’ மறைந்து வருகிறது.

இதுவரை விடை சொன்னவர்கள்
பூங்கோதை
வீ.ஆர்.பாலகிருஷ்ணன்
திருமூர்த்தி
முத்து
பார்த்தசாரதி/அம்ருதா
கே.ஆர். சந்தானம்
நாகராஜன்
10 அம்மா
யோசிப்பவர்
தினேஷ் முகிலன்

 

என்னுடைய முதல் குறுக்கெழுத்துப் புதிரை சென்ற நவம்பரில் வெளியிட்டேன். பங்கெடுத்துக் கொண்ட அனைவருக்கும் நன்றி. விடைகளையும் விளக்கங்களையும் இங்கே அளிக்கிறேன்.

குறுக்காக:
3.நீங்காத முதலுக்கு வாடகை கட்டி நடுவில் குழப்பி யாசிக்கட்டுமா? (1, 4)
விடை: கை நீட்டவா
விளக்கம்: ‘நீங்காத’ வின் முதலெழுத்து ‘நீ’ + வாடகை + ‘கட்டி’ நடுவில் இருப்பது ‘ட்’ – குழப்பினால் வரும் விடை ‘யாசிக்கட்டுமா’ என்ற பொருளில் இருக்கும்.
6.பட்டு மெத்தையில் சரிகை வேட்டியுடன் பாதி கட்டில் சுற்றிப் படு (4)
விடை: பகட்டு
விளக்கம்: பாதி ‘கட்டில்’ = ‘கட்’. அதைச் சுற்றி ‘படு’ = பகட்டு. ‘பட்டு மெத்தையில் சரிகை வேட்டியுடன்’ இதன் நேர் பொருள்.
7.ஏழு தலை ஏப்பம் விட்டு கடைசியில் வருமோ வாசனை (4)
விடை: மோப்பம்
விளக்கம்: ‘ஏழி’ன் தலை ‘ஏ’. ‘ஏப்பம்’ விட்டு ‘ஏ’ போனால் ‘ப்பம்’. ‘வருமோ’ வின் கடைசி எழுத்து ‘மோ’. ‘மோ’ + ‘ப்பம்’ = மோப்பம். ‘வாசனை’ இதன் நேர் பொருள்.
8.முந்தையவனே இடம்பெயர் இங்கிருந்து (3, 3)
விடை: அண்ணா நகர்
விளக்கம்: ‘இங்கிருந்து’ என்பதால் விடை ஒரு இடத்தைக் குறிக்கும் சொல்லாக இருக்க வேண்டும். ‘முந்தையவனே’ = ‘அண்ணா’. ‘இடம்பெயர்’ = ‘நகர்’
13.அந்த ஆளை உலர வை, பின்னர் கொடியிலிருந்து பறி (6)
விடை: அவரைக்காய்
விளக்கம்: ‘அந்த ஆளை’ = ‘அவரை’. ‘உலர வை’ = ‘காய்’.
14.பேசும் மொழி தமிழா தெலுங்கா? (4)
விடை: செப்பும்
விளக்கம்: ‘பேசும்’ இதன் நேர் பொருள். ‘செப்பு’ என்பது தெலுங்கிலும் பயன்படுத்தப் படுகிறது.
15.மயான ஓரங்களில் கொஞ்சம் துயரமா, வருந்துகிறேன் இதயப்பூர்வமாக (4)
விடை: மனமார
விளக்கம்: ‘மயான’ ஓரங்களில் இருப்பது ‘ம’ + ‘ன’. ‘துயரமா’ வில் கொஞ்சம் ‘ரமா’. ‘இதயப்பூர்வமாக’ இதன் நேர் பொருள்.
16.யானை வாய் திறக்க ஊஞ்சலோ பாதியில் நிற்க இங்கே வேண்டியது அறிவுரையா? (5)
விடை: ஆலோசனையா
விளக்கம்: ‘யானை’ + ‘ஆ’ (வாய் திறக்க) + ‘ஊஞ்சலோ’ வின் பாதி ‘சலோ’. ‘அறிவுரையா’ இதன் நேர் பொருள்.

நெடுக்காக:
1.’ஒன்று ஆறினால் நலம், ஒன்று ஆறாவிட்டால் நலம்’ என்று சீறு. (3, 2)
விடை: கோபம் அடை
விளக்கம்: ‘கோபம்’ = ஆறினால் நலம். ‘அடை’ = சூடாயிருந்தால் நலம். ‘சீறு’ இதன் நேர் பொருள்.
2.வாழைப்பழம் அரை ரூபாயா? சீப்பாக இருக்கிறதே! (5)
விடை: எட்டணாவா
விளக்கம்: ‘அரை ரூபாயா’ வின் நேர் பொருள். (மற்ற குறிப்புகள் விடைக்கு சம்பந்தம் இல்லாமல் இருந்துவிட்டன.)
4.முற்றிய பதநீர் மோர்மிளகாயுடன் சுவைத்தால் வெப்பம் தணிக்கும் (2, 2)
விடை: நீர்மோர்
விளக்கம்: விடை இரண்டு வார்த்தைகளுக்கு நடுவில் ஒளிந்திருக்கிறது.
5.தென்னாட்டில் காந்தி இருந்த இடம் ஆங்கிலத் தலையைச் சுற்றியதா? (4)
விடை: டர்பன் (Durban)
விளக்கம்: ‘தென்னாடு’ = தென்னாப்பிரிக்கா. ஆங்கிலத்தில் Turban தலையில் சுற்றுவது.
9.பார்கவ் வந்ததும் பாமரேனியன் பாய்ந்தது நக்க அல்ல (3)
விடை: கவ்வ
விளக்கம்: விடை ‘பார்கவ் வந்ததும்’ என்ற இரண்டு வார்த்தைகளுக்கு நடுவில் ஒளிந்திருக்கிறது.
10.கானம் நடுவில் மாட்டிக்கொள்ளாது குழம்பியது (5)
விடை: சிக்கானது
விளக்கம்: ‘கானம்’ நடுவில் ‘ன’ + ‘மாட்டிக்கொள்ளாது’ = ‘சிக்காது’. ‘குழம்பியது’ இதன் நேர் பொருள்.
11.சுருட்டி வைக்கக் கூடிய கட்டையோ?(5)
விடை: பாய்மரம்
விளக்கம்: ‘சுருட்டி வைக்கக் கூடியது’ = ‘பாய்’. கட்டை = ‘மரம்’.
12.அம்புலிக்குப் போனது, ஆம்புலன்சிலும் போகமுடியுமோ? (4)
விடை: அப்போலோ/அப்பலோ
விளக்கம்: நிலவுக்குப் போன விண்கலம். மருத்துவமனையும் கூட.
13.மாமாவை அழைக்கவா விளையாட? ஆனால் பால் சரியில்லையே.. (4)
விடை: அம்மானை
விளக்கம்: ‘மாமா’ = ‘அம்மான்’. அம்மானை பெண்கள் விளையாடும் ஒரு விளையாட்டு. மாமாவின் பால் ஆண்பால் ஆயிற்றே.

© 2012 புதிர்மயம் Suffusion theme by Sayontan Sinha